ကမ္ဘာတစ်ခု လှုပ်ခတ်သွားခြင်း
မောပမ်းသော ဘ၀မှာ နားနေရဖို့ ကြိုးစားခဲ့၏ ၊ အောင်၏လော၊ မှန်၏လော။
ဖြေဆိုသူမြောက်မြားစွာမှ လူသားတစ်ယောက်သည် လူလားမြောက်သော် … ။
အကောင်းကိုခင်တွယ် အပျက်ပျက်ဖြစ်မှာ မလိုလားဘူး ။ နှာခေါင်းမှ မဟုတ်သော သွေးတွေက ထွက်လို့ ပြိုပျက်သွားခဲ့သည်။ ရည်ရွယ်လမ်းကို တန်းတန်းမလျှောက်ချင်သော အလေ့တချို့က ရယ်သွမ်းနေလေရဲ့ ။ အဟောင်းတွေကို ကောင်းသေးတယ် ပြောဆိုပြီး လက်၊ပါးစပ်ဖြင့် စားခဲ့တာတွေတောင် မေ့ကုန်ကြလေရဲ့ ။ ဓလေ့ပါဆိုနေမှ ။ သတ်မှတ်ထားသည်။ သတ်မှတ်နေသည်။
တင်းနေပြီ ။ ချုပ်တည်းမှုအချို့ကို ထိန်းသိမ်းထားချိန်၌ အသံ ထွက်ပေါ်လာတော့သည် ။ စကားကတိုသွားသည် ။ လွယ်သွားသည် ။ စိတ်ကို အမြန်လွှတ်ပေးလိုက်လို့ ထင်ပါရဲ့။ ပြောပါများတော့ တိုသောစကားက တာသွားသည် ။ ခပ်ရှင်းရှင်းဖြစ်လျှင်ပိုကောင်းမည် ။ သို့သော် ရှုပ်တုန်း ။ တင်းကြပ်လာသော အခြေအနေများမှ သတင်းတွေ ၊ အတင်းတွေ ပေါ်လာနိုင်သည်။ လိုချင်တောင့်တမှု ၊ လုပ်ငန်းဆောင်တာများကို မှတ်သားထားနိုင်သည် ။ ဥပမာ ဆိုကြပါစို့ ။
ကမ္ဘာလုံးအပြင်မှာ စကြ၀ဠာ ။ စကြ၀ဠာ အပြင်ကကော ။ ရောက်ချင်လိုက်သာ ။ သွားသေလိုက်ပါလား ဆိုခဲ့သော် မဖြစ်ပြန် ။ ရှင်ခြင်းကို ချစ်တုန်း ။ သေဖို့ကို မုန်းတတ်တုန်း ။ ခမ်းနားကြီးကျယ်မြင့်မြတ်သော ကြမ်းပိုးဟု ဆိုပါစေ လိပ်မျိုးဆက်ဟုတ်မဟုတ် မသေချာပါ ။ အခွံပါပုံ ၊ ခုံးသော သဏ္ဌာန်ကြောင့် ခိုင်းနှိုင်းပြောဆိုခြင်း ဖြစ်မည် ။ ဥပမေယျတွေ များပြားလာတော့သည် ။
လမ်းလျှောက်သင်စ ကလေးတစ်ယောက်သည် ဂျောင်းဂျောင်းပြေးရန် မဖြစ်နိုင်ပေ ။ ကိုယ်ဟန်အထိန်း ကောင်းမွန်စွာ တတ်ကျွမ်းမှ ဖြစ်မည် ။ လူလားမြောက်သော် … ။
***
* အမေ သား တီဗီ သွားကြည့်မလို့ *
* စာကြည့်ဦး ၊ မသွားရဘူး *
* ကလေးအကြိုက် ကာတွန်းကားအစီအစဉ် လာနေပြီ အမေရ *
* သွား ၊ ပြီးရင် အမေ့ကို စာပြန်ပြီးမှ ထမင်းစားရမယ် *
***
* သား စာကျက်လေ *
* ဗိုက်ဆာပြီ အမေရ *
* အမေ ထမင်းပွဲ ပြင်လိုက်မယ် *
* သားလည်း ၀ိုင်းကူမယ် အမေ *
***
* စားပြီး အိပ်ငိုက်မနေနဲ့ သား *
* သား စာကြည့်ပြီးမှ အိပ်ရမယ် *
* သင်ခန်းစာတွေ မှတ်မိလား ၊ မနက်ဖြန်အတွက် အိမ်စာတွေ ဖြေပြီးပြီလား *
* စောစောကတည်းက ပြီးသွားပြီ အမေ *
* ဒါဆိုလည်း ဘုရားရှိခိုးပြီး အိပ်တော့လေ သား *
***
+ ဆရာမက စာ(၁၀)ကြောင်းရေးခိုင်းတာ သား အရင်ပြီးတယ် အမေ +
* ဘာအကြောင်းလဲ သားရဲ့ *
+ သင်သည် ကျောင်းဆင်းပြီးချိန်တွင် မည်သည့်အရာများကို လုပ်ဆောင်သနည်း တဲ့ အမေ +
* သားရေးထားတာ ပြပါဦး *
ကျောင်းဆင်းပြီးချိန်
ကျွန်တော်သည် ကျောင်းဆင်းချိန်တွင် ကျောင်းပေါက်ဝသို့ ပြေး၍ သွားပါသည်။ အိမ်သို့ အမြန်ဆုံး ပြန်ရောက်ချင်သောကြောင့် ဖြစ်ပါသည်။ ကျွန်တော်သည် အိမ်အနီးတွင် သူငယ်ချင်းများနှင့် ကစားလေ့ရှိသည်။ ကျွန်တော်သည် အမေနှင့်အတူ ကျောင်းဆင်းပြီးချိန်တွင် ဈေးသို့သွားလေ့ရှိသည်။ ကျွန်တော်၏ အမေသည် ညစ်ပေသော အ၀တ်များကို ကျောင်းဆင်းပြီးချိန် ညနေပိုင်းတွင် လျှော်ဖွပ်လေ့ရှိပါသည်။ ကျွန်တော်သည် အမေ့လျှော်ပြီးသော အ၀တ်များကို ကြိုးတန်းတွင် ဖြန့်လှန်းပါသည်။ မီးဖိုချောင်၌ အမေအား ၀ိုင်းဝန်းကူညီပါသည်။ ကျွန်တော်သည် ရုပ်မြင်သံကြားမှ ပြသသော ကလေးများ အစီအစဉ်ကို ကြည့်ရှုပါသည်။ ထမင်းစားပြီးမှ အိမ်စာများကို လုပ်လေ့ရှိပါသည်။ ကျွန်တော်သည် သွားတိုက်၊ဘုရားရှိခိုးပြီးမှ အိပ်ယာဝင်ပါသည်။
***
ဒီစာသားတွေ အမေသာ ဖတ်ဖြစ်ရင် ဘာများပြောဦးမလဲ မသိ။ ဖြစ်နိုင်ချေကတော့
* သားရယ် *
……
……
……
No comments:
Post a Comment