ရောင်းရန်မဟုတ်
တစ်ရက် ဘာမှန်းမသိသော တစ်ရက် ။ ညာရမ်းဖြီးချင်သော တစ်ရက်မဟုတ် ။ စိတ်ထွေလေလွင့်ကာ လုံးချာလည်နေသည်။ စိတ်ကစင့်ကလျားဖြစ်ခြင်းမဟုတ် ။ စိတ်ကသိကအောက်ဖြစ်ခြင်းသာ ။ သိမှုများပြားရန်လိုအပ်သော လူသားဘ၀တွင် သိခြင်းတွေ ထမ်းပိုးထားရသည် ။ သိခြင်းများပြားလာလျှင် လုပ်ကိုင်မှုများ အထိုက်အလျောက် လုပ်ကြသည်။ အသုံးချခြင်းလည်း ဖြစ်သည်။ အသုံးပြုခံရခြင်းလည်း ဖြစ်သည်။ ပြောဆိုခြင်းများလည်း ပါဝင်လာသည် ။ လုပ်ကိုင်ရရှိခြင်းမှ အသိများကို ပြောကြခြင်း ဖြစ်သည်။ မလုပ်ဘဲနှင့် ပြောကြခြင်းလည်း ဖြစ်သည်။ ဘာသာစကားတစ်မျိုးမျိုးဖြင့် ပြောကြားကြသည်။ နားလည်တာလည်း ရှိ၏ ။ နားမလည်တာလည်း အပုံအပင်။ အသံအဖြစ်ပေါ်ပေါက်လာသည်။ မကြားရခြင်းလည်း ပါသေးသည် ။ ကြားရတာလည်း ရှိ၏ ။ ဆူညံမှုလည်း ပါ၏ ။ နားမခံနိုင်သည်လည်း မကြွင်း ။ နားဝင်ပီယံ သူ့အသံလည်း ဖြစ်ပြန်ပြီ ။ ကိုယ့်အသံကိုယ် ပြန်ကြားရသည် ။ တုန့်ပြန်မှု ရခြင်းသည်လည်း မင်္ဂလာတစ်ပါး ပါပဲ ။ တန်ပြန်သက်ရောက်မှုက သတိကို ဖြစ်ပေါ်စေနိုင်သည်ဟု ထင်မိ၏ ။ လျှော်ဖွပ်ခြင်းအကြိမ်များလာလျှင် ရိဆွေးသွားတတ်သည် ။ အ၀တ်မဟုတ်သော စိတ်ညစ်ထည်များ လျှော်မိသော် …
***
၁၉၉၆-၁၉၉၇ ခုနှစ် တစ်နေ့သော စနေ တစ်ရက် ။ ရာသီမှာ မျှ၏ ။ ဥတုမှာ သတ်မှတ်တိုင်း ဖြစ်ချင်မှဖြစ်သည် ။ ကိုယ်လက်သန့်စင်ပြီး ထမင်းကြမ်းကို ဆီဆမ်းဆားဖြူး၊ အကြော်အမျိုးစုံမှ တစ်ခုဖြင့် စားသောက်နေသည် ။ ခဏအကြာ …
*ဈေးရောက်မှ နေမြင့်နေမယ် ၊ ဈေးစာရင်းတွေ သေချာမှတ်ခဲ့*
*ဟုတ်ကဲ့*
*သရက်ချဉ် ၀ယ်ခဲ့ဦး*
*ဟုတ်ကဲ့*
ဈေးကြီးက ရှုပ်မြဲ ၊ ရှုပ်ဆဲ ။ နေကလည်း မြင့်လာသည် ။ ဈေးနှုန်းတွေ ၊ စာရင်းတွေ မှတ်သားကာ ၀ယ်ခဲ့သော သစ်သားသေတ္တာကို တင်ပြီး ထွက်လာသည် ။ -
*လမ်းနည်းနည်းလောက်*
*အော် … အေး*
*သရက်ချဉ်က ဘယ်ဈေးလဲ*
*ဒီတစ်ချိန်စာပဲ (၅၀)ကျပ်တော့ ပေးခဲ့*
အင်း … (၆*၁၄) တစ်အိတ်ပြည့်လုလုပဲ ။ တန်တယ် ။ ရောင်းသူ ၀ယ်သူ အသံတူပဲ ။ ရောင်းသူက ရောင်းသည် ။ ၀ယ်သူက ကြိုက်နှစ်သက်လျှင် ၀ယ်သည် ။ ပစ္စည်းတန်ဖိုးအလိုက် ကွာခြားသွားသည်သာ ရှိသည် ။ သယ်ယူလျှင် သယ်ခပေးရပြန်သည် ။ မလောက်ဘူးထင်တယ် ။ ထပ်ဝယ်ခဲ့ဦးမှ ။ ဈေးငယ်က နေရာတစ်နေရာ ။
*သရက်ချဉ် (၅၀)ကျပ်ဖိုးပေးပါ*
ဟင် … နည်းနည်းလေး ။ (၅*၉) အိတ် တစ်အိတ်စာပဲရတယ် ။ နေရာကွာသွားလို့ဖြစ်မယ် ။ အော် … တော်သေးတယ် ။ ချဉ်လို့ ။
---
နေကလည်း ပူတယ် ။ မောတာ ရေသောက်ဦးမှ ။
ခဏနားနေတုန်း …
*ခေါင်းလျှော်ဦးမှ ၊ တရော်ကင်ပွန်းနဲ့ခေါင်းလျှော်ရည်ပဲ ၀ယ်တော့မယ်*
*စောစောလေးတင် (၁၀)ကျပ်တန် တစ်ရွက်ရှိပါသေးတယ်*
(၁၅)ကျပ် တဲ့ ၊ လိုက်ရှာဦးမှ ။ အော် တန်ဆောင်တိုင်တုန်းက အကြွေစေ့ကျဲတာ ကောက်ထားတဲ့ ဗူးရှိတယ် ။ ကျပ်စေ့ (၅)စေ့ ၊ (၁၀)တန် တစ်ရွက်ရယ် ။ ရပြီ ။ လောက်ပြီ ။
***
ဒီနေ့ ကုတ် (quote)
လူ နှင့် နာမည် တွဲခေါ်သောအခါ လူနာမည် ဟုခေါ်သည် ။
ညစ်တယ်ကွယ်
လျှော်မိသည်
ကြိမ်ဖန်များလို့ ရိရတယ်
လုံးဝမပြဲ ။
ကိုယ်ထည်ဝတ် မမည်တယ်
စိတ်မှာ ရိရွဲ ၊ လျော့တိ လျော့ရဲ ။
နွမ်းလျပေမဲ့ ၊ အားတင်းကာ ၀တ်ရတယ်
(စိတ်)၀တ်စုံကတစ်စုံတည်း ။
ကိုယ်စိတ်ကျန်းမာချမ်းသာခြင်း ပြည့်စုံကြပါစေ။
No comments:
Post a Comment