ကားမောင်းတတ်လား
နွေရာသီ အပန်းဖြေရန်အလို့ငှာ အငှားယာဉ်မောင်းတစ်ယောက်သည် အေးဆေးစွာ ကားမောင်းလာခဲ့သည် ။ တစ်လုံးသော အိမ်ရှေ့ မှ ကားကို ရပ်စေရန် ဟန့်တားခြင်း ခံလိုက်ရသည် ။ လမ်းကြုံတာပဲ ။ ခေါ်သွားမှ ။ လင်မယား စုံတွဲတစ်တွဲ တက်လာခဲ့သည် ။
မိန်းမ ။ ကို့ အမေဆီ အရင်သွားမလား ၊ မနဲ့လိုက်မလား ၊ မလည်း မအမေဆီ ၀င်ဦးမယ် ။
ယောင်္ကျား ။ သွားလေ ။
မိန်းမ ။ ကို့ (၁)လမ်းက ၀င်ဖြစ်ရင် ကို့ အဒေါ်ဆီ ၀င်ဦးမလား ၊ မလည်း အေမီဆီ နှုတ်ဆက်ချင် သေးတယ် ။
ယောင်္ကျား ။ သဘော ။
မိန်းမ ။ ကို့ (က)အိမ်ယာနား ဖြတ်သွားရင် ဦးလေး ဂေါ်နီတစ်ယောက် နေကောင်းလား မသိဘူး ။ ဘေးအိမ်က အန်တီရိုစီ တူမလေး လူစီနဲ့ မလည်း ကျောင်းနေဘက်တွေလေ ။
ယောင်္ကျား ။ နှုတ်ဆက်တာပေါ့ ။
မိန်းမ ။ ကို့ (အေ) လမ်းပေါ်က လှမ်းကြည့်ရင် မြင်ရတဲ့ လက်ဆောင်ပစ္စည်းဆိုင်ကြီးက ဈေးနှုန်း ချိုတယ်တဲ့ ။ မတို့ ခဏ၀င်ကြည့်မယ်လေ ။
ယောင်္ကျား ။ ၀ယ်ကြမယ် ။
မိန်းမ ။ ကို့ ဘီယာဝင်ဝယ်ချင်ရင် လမ်းကြောင်းပြောင်းလိုက်မယ်လေ ၊ မလည်း ဈေးဝင်ဝယ် ဦးမယ်လေ ။
ယောင်္ကျား ။ သဘော ။
မိန်းမ ။ ကို့ အစကတည်းက ပြောမယ်ပြောမယ်နဲ့ မပြောဖြစ်တာ ၊ ကိုရော ဘယ်သွားချင်လဲ ။
ကားမောင်းသမား ။ ကျွန်တော်လည်း မေးမယ်မေးမယ်နဲ့ မမေးဖြစ်တာ ။ ဘယ်သွားမှာလဲ ။ ကားမောင်းတတ်လား ၊ မောင်းရတော့မလား ။
No comments:
Post a Comment