ပုံပြင်
တရံသရော တောတစ်တောဝယ်
သစ်ပင်ပန်းမန်စုံလင်စွာဖြင့်
နေပြောက်လည်းရောက် ရေကြည်လည်းသောက်နိုင်သတဲ့ ။
ထိုထို တောနား သစ်ကောင်းအိမ်နှင့်
လေးသမားလည်း ရှိလေသတဲ့ ။
သစ်ခက်ရိပ်ငြိမ် အေးချမ်းတဲငယ် တောစပ်နားဝယ်
ရသေ့သူတော် သတင်းသုံးသတဲ့ ။
ရွာထဲဆူညံ အစွန်ဖျားနား
အိမ်တန်းကျဲကျဲ လူနေတဲဝယ်
တောင်သူ လယ်လုပ် မောင်နှံတစ်စုံလည်း ရှိကြသတဲ့ ။
ချောမောဂုဏ်မောက် ဇနီးလှပိုင်
ဖိန့်ဖိန့်ကြောက်ရ သူကြီး တစ်ဦးလည်း အုပ်ချုပ်သတဲ့ ။
ကာတွန်းဆွေမင်း ဓနုဖြူဖွား ရေးသားဇာတ်ဖော်
တွတ်ပီကျော်ကြား မုဆိုးသားတို့ နေထိုင်ရာမှန်
ကြုံတိုင်းရွာလို ရွာတန်းမျိုးလည်း ဖြစ်ချိမ့်၏ ။
တရောသရံ ဟင်းမျိုးမည်ရ အတောင်ကိုးဖြာ
ဝါနက်စင်းကျား ဟင်းမျိုးတစ်သားလည်း
စားကျက် သစ်ရာ တောသာယာသို့ ပြောင်းခဲ့တမုံ့
လူးလာခေါက်တုံ့ ကျက်စားခဲ့သတဲ့ ။
လယ်လုပ်မောင်နှံ ပေါင်းသင်းရက်ကြာ
သန္ဓေသားဖွား သားတစ်ပါးလည်း ဖွားမြင်ခဲ့သတဲ့ ။
ရသေ့သူတော် ဥာဏ်ဖြင့်ရှုမျှော်
ဖွားမြင်လူသား အတတ်မကျူး
ထူးခြားစိတ်ထား အေးချမ်းစေလိမ့်
ဟောမြွက် မိန့်၏ ။
လေးသမားကျော် နီးရာဆွေစပ်
သူ့အတတ်ဖြင့် လူလားမြောက်သော်
ပေးဝေးနှီးရင်း သင်ကြားခြင်းဖြင့် ထိုလူငယ်အား ကြီးပြင်းစေသတဲ့ ။
တဖက်လေးမြှား တရားပေါင်းဖော်
ထိုသူသားလည်း ကြီးပြင်းရွယ်ရောက်
လူလားမြောက်သော် မွေးကျွေးမိဘ
လုပ်ကျွေးသမှု ဆရာဖို့လည်း မချွင်း၏ ။
ချိန်မခြားနား တူတူငယ်ဖွား
သူကြီးချစ်မငြီး မယ်လှ မှည့်ခေါ်
သမီးကညာလည်း ရွယ်ရောက်ခဲ့သတဲ့ ။
ရောရောရံရံ မကြာမတင်
လုလင်လုံမ ချစ်ရည်မျှ၍
သူကြီးကတော် အလိုမကျ
အမျက်ဒေါသ သေစေလိုကြောင်း
သူကြီးမောင်းထု ဟင်းမျိုးနှိမ်နင်းစေခဲ့သော် ။
လေးအတတ်ကျွမ်း ဆရာ့မှာတမ်း
မှတ်သားပြုကျင့် မုဆိုးဝတ်ဖြင့်
အများထိတ်လန့် ဟင်းမျိုးရန်လည်း ရှင်းစေလိုကြောင်း
အမောင်လုလင် သွားပါချေဟု သင်ကာကြားကာ လွှတ်လိုက်သတဲ့ ။
ဖျတ်လတ်သန်မာ လုလင်ငယ်သွေး
လေးသည်တော်သား ရန်စွယ်ကျားကို
ချိန်သားမလွဲ မြှားချက်ထဲဝယ်
တုံးလုံးပက်လက် ကားခနဲကျအောင် ပစ်ခတ်ခဲ့သတဲ့ ။
ကျားရေကိုဆုပ် ကျားစွယ်ကိုလွယ်
ကျားသားကိုသယ်လို့ ရွာဝင်လမ်းမှာ
ရသေ့ကို ကျားရေလှူ ၊ ဆရာကို ကျားစွယ်အပ်လို့
ကျားသားကို အိမ်တွက်ခွဲကာ
ရွာထဲကို ထုတ် ။
မောင်းမလို သူကြီးမစုရ ၊ အားပေးတဲ့ ရွာလူထုက
ကျားရန်ပျောက်ကင်း ဘေးရှင်းပြီဟု
ကြွေးကြော်ဟစ်လား လုလင်ငယ်ကား ကျော်ကြားခဲ့သား ။
လုံမပျိုမေ မျက်နှာပွင့်လို့
သူကြီးကတော်လှ ပါးစပ်ဖျားမှ
သားတော်မောင်က တော်စွ တော်စွ ကောင်းချီးရသဗျ ။
ဒီနည်းနဲ့ဇာတ်ပေါင်း
လူငယ်စုံတွဲ ထိုရွာထဲမယ်
ရှိခဲ့ကြသတဲ့ ။
မှတ်ချက် ။ ရသေ့ ၊ မုဆိုး ၊ တောင်သူ ၊ သူကြီး ၊ ရွာသား၊သူ ၊ လင်မယားနဲ့ သမီးသား ။ လူသားတွေဗျား ။
ဂရုမထား ထိုသေသွားကျား တောကြား ချုံနား
သူဝှက်သွားသည် သားပေါက်တစ်အုပ် ကျန်ခဲ့သတဲ့ ။
ပုံပြင်ဆုံးတော့ ရေဆာတယ် … ရေတစ်ပေါက်လောက် သောက်ချင်တယ် ။ခွင့်ပြုပါဦးကွယ် ။
No comments:
Post a Comment