Dream-1

လွမ်းမောဖွယ် အိပ်မက်များ ။ သတိရအောက်မေ့ဖွယ် အိပ်မက်များ ။ စိုးရွံ့ထိတ်လန့်စေသော အိပ်မက်များ ။ ပြန်ပြောင်းမက်ဖြစ်သော အိပ်မက်များ ။ ချိုသော အိပ်မက်များ ။ လွမ်းသော အိပ်မက်များ ။ တမ်းသော အိပ်မက်များ ။ ဆန္ဒ အိပ်မက် ။ ဘ၀ အိပ်မက် များ … ။

***

အိပ်မက်ခရီး

ကိုယ်ပျောက်ဝိဇ္ဖာလိုလို ဇော်ဂျီတပ္ပသီလိုလို အငွေ့အနေဖြင့် မြင်လိုက်ရသည် ။ ပျောက်ဆုံးသွားချိန် မျက်စိ ဖြတ်ကနဲ ပွင့်လာခဲ့သည် ။

*၀ှီး…ဝေါ…ဒီ.ဒီ.ဒီ… ၀ှီး…ဝေါ…၀ှီး*

ကားသံ ၊ လေတိုးသံတွေနှင့်အတူ နိုးလာခဲ့သည် ။ ကားမှန်ပြတင်းမှ တိုက်ခတ်လာသော လေနုအေးက ရင်တွင်းကို အေးမြစေပြန်သည် ။ ပတ်ဝန်းကျင် ရှုခင်းကို မြင်ရသည် ။ အဝေးသို့ လျှပ်စစ်စွမ်းအင်များပေးပို့သော သံတိုင်ကြီးများ ။ တရိပ်ရိပ် ဖြတ်သန်းသွားသော သစ်ပင်တန်းတို့၏ စိမ်းညို့ ညို့ အရောင်မှုန်များ ။ ကားခေါင်းသာ မြင်ရသည်ဆိုရုံလေး ၀န်နှင့် အား မျှတမှု အတိအကျမသိနိုင်သော ကုန်တင်ကားကြီးများ ။ ဒီအမြင်တွေ မှ ဖယ်ခွာပြီး ဘေးဆီ မှ အသံထွက်လာရာသို့ လှမ်းကြည့်မိတော့သည် ။

*နိုးပြီလား* *ခရီးသွားတုန်း မှေးခနဲ ဖြစ်တတ်ပါတယ်**ရှေ့ ဆိုရင် ထမင်းစားနားမယ့် ဆိုင်ရောက်ပြီ ခင်ဗျာ*

ပြောသမျှခေါင်းညိတ်ရင်း နားထောင်နေမိတယ် ။ ဗိုက်တောင်ဆာလာသလိုပဲ ။ ကားက ဖြည်းဖြည်းချင်း လှိမ့်ဝင်ပြီး ရပ်နားလိုက်သည် ။ ကားခေါင်းအဖုံးဖွင့်ပြီး ရေဖြန်းတော့ ရေငွေ့တွေ တအားထွက်လာသည် ။ အော် အင်ဂျင်လည်း ပူရှာပကိုး ။

***

ဆိုင်က သပ်ရပ်ပြီး ဖော်ရွေသည် ။ နာမည်လေးက ချစ်စရာ *ရသာမွန်* ။

*ဘာနဲ့သုံးဆောင်ပါမလဲ* အစပြုလို့ စားသောက်ဖွယ်ရာ အမျိုးအမည်များစွာ အသံမပြတ် ကြားရသည် ။ ကားမောင်းသူက ကြက်သားနှင့်တစ်ပွဲ မှာလိုက်သည် ။ စားချင်စိတ် မရှိသော ကြက်သား ၊ ကြားရပြန်ပြီ ။ ၀က်သားဘယ်နှစ်မျိုးလောက်ရှိမည် မသိလိုက် ။ ၀က်ပုန်းရသည်ဟု ပြောသဖြင့် ၀က်သားပုန်းရည်ကြီး တစ်ခွက်မှာလိုက်သည် ။ တို့စရာ အစုံအလင် နှင့် ငံပြာရည်ချက် တစ်ခွက်က စားပွဲအလယ် မှာ မင်းမူနေသည် ။ တံတွေး အရင် မျိုချနေရသည် ။ ရေသောက်ဦးမှ ။ အချဉ်ရည် ကို မျစ်များ ၊ ချဉ်ပေါင်များ နိုင်နိုင်နှင့် ။ အအီအနောက် ပြေစေ၏ ။ ပဲနှပ် နှင့် ကြက်ဟင်းခါးသီးချက်က ဟင်းအရံရသည် ။ စားပြီး အပေါ့အလေး ခဏသွားပြီး ရသာမွန်မှ ထွက်လာခဲ့သည် ။

*ဒီဆိုင်က ကောင်းတယ်* *ဒီခရီးကို ဒီဆိုင်က အသင့်တော်ဆုံးပဲ*

ကားမောင်းသူ၏ အခမဲ့ကြော်ငြာကို နားထောင်နေမိသည် ။ ခဏကြာတော့ သီချင်းသံ သဲ့သဲ့ကြားလိုက်ရသည် ။ ရွာတစ်ရွာ ဖြတ်သန်းခဲ့သည် ။

သီချင်းအလိုက်လေး လိုက်ရွတ်နေမိသည် ။

*ညီလေးတို့ရွာ … သဘာဝအလှ ရှုခင်းများနဲ့သာ … သာသာ..ယာယာ…*

***

ကွင်းပြင်စိမ်းက လေပြင်းကြောင့် ယိမ်းသည် ။ တောင်ကတိုက်တော့ မြောက်ယိမ်း ။ ဘယ်ဝေ့တော့ ညာရှောင် ။ မောင်မယ် မြူးသလို ၊ တူနှစ်ကိုယ် ချစ်ရည်လူးသလို ။ စပါးခင်းလား ။ ပြောင်းခင်းလား ။ ဝေးဝေးက ရိပ်ရိပ်ဖြတ်လို့ စိမ်းလန်းတာတော့ အမှန်ပဲ ။ ရှုမျှော်ခင်း ဆိုတာ ရှုမျှော်ကြည့်လေတိုင်း မဆုံးသော အခင်းအကျင်းများ ပြည့်နှက်မှုတွေ ထင်ပါ့ ။ ကြည့်တိုင်းမဆုံး ၊ ပြုံးပျော်မြူးသလိုလို ၊ တမ်းတမိသည် ။ လွမ်းရိပ်ထင်ခဲ့သလို ။ ကြေကွဲခဲ့သလို ။ အောင်မြင်သော တေးတစ်ပုဒ် အသံကို ကြွေးကြော်ထုတ်တဲ့ ငှက်တစ်သုတ်က အနားက ပျံသန်းဖြတ်သွားခဲ့သည် ။ *လေအဟုန်စီး… ယီးလေးလေးခိုကာရယ်…* ဆိုများသွားလေသလား ။ ကားအရှိန် အနည်းငယ် နှေးသွားသကဲ့သို့ ထင်မိသည် ။ ကားမောင်းသူ အတွေးတချို့ နှင့် သတိထားမောင်းနှင်ဟန် ရှိသည် ။ တချက်တခါ ပြုံးယောင်သန်းသန်းဖြင့် မောင်းနေပြန်၏ ။

***

အိမ်သူအလှကို ချစ်သက်ဝေေ၀ ချစ်ကြင်စမို့ ခွဲခဲ့ရသည် ။ ၀မ်းရေးပေကိုး ။ မှာလိုက်တဲ့အသံလေး နှင့် အိမ်အ၀ နှုတ်ဆက်လက်ပြနေပုံ ကို မှေးမှေးရေးရေး မြင်မိသည် ။

*ကိုမောင် ဒီတစ်ခေါက် ပြန်ရောက်ရင် စရံသတ်ထားတဲ့ မြေကွက်လေး အပြီး ချေ ရအောင်နော်*

သနပ်ခါးရနံ့လေးနှင့် နှုတ်ဆက်ခဲ့သည် ။ မွှေးကြူခဲ့မိသည် ။ ကြိုးစားတိုင်းဖြစ်မြောက်ခဲ့သည့် ဒီကားသမားအလုပ်ကို တွယ်ဖက်နေမိသည် ။ ဟင် သနပ်ခါးနံ့လား ။ အော် ဘေးက ခရီးသည် အိတ်တွေဖွင့်လို့ အနံ့လေး ရမိသည် ။ သနပ်ခါးကြိုက်ထင်ပါ့ ။

***

အိမ်ပြန်လက်ဆောင်ပေးဖို့ အရံသင့် ပစ္စည်းတချို့ ရှာဖွေရင်း သနပ်ခါးရနံ့ ယပ်တောင်လေး ။ အမေ့ ကန်တော့ဖို့ ၀ယ်ခဲ့သည် ။ အဖေက ပြုံးချိုချို ဟာသနှောမှာ မြင်မိတယ် ။ အဖေ့အတွက် လက်ပတ်နာရီတစ်လုံး ကန်တော့ခဲ့တာ အမှတ်ရသည် ။ သို့သော် ဟောင်းနေရှာရော့မယ် ။ ကိုကြီး နှင့် ညီငယ် မှာတဲ့ ပစ္စည်းတွေ နောက်ခန်းအိတ်မှာမို့ မထုတ်ကြည့်ဖြစ်တော့ဘူး။ အမှတ်တရ ပစ္စည်းတွေ ။ အိမ်ရောက် စိတ်ကူး အစီအစဉ်တွေ အကောင်အထည် ဖော်ရမယ် ။

သူငယ်ချင်းတွေ တွေ့ရင် ပြောဖြစ်မယ့်စကားတွေ ကြားချင်နေပြီ ။ မရောက်တာကြာ ၊ မတွေ့ တာ ကြာလှ ၊ ဘုရားတင် ဆိုပြီး နောက်ကြဦးမလား မသိ ။ အလုပ်တွေ အဆင်မပြေဘူးလည်း ကြားတယ် ။ တချို့တော့ နိုင်ငံခြားတွေ ထွက်တာလည်း ကြားခဲ့ရတာပဲ ။ အဆင်ပြေတာ ၊ မပြေတာ အရေးမကြီး တွေ့ ရင် မှတ်မိကြပါဦးမလား ။ အလုပ်တွေနဲ့ ရှုပ်နေမယ် ထင်ပါ့ ။ အင်း စား ၊ ၀တ် ၊ နေရေး လုံးပမ်းရမှာပဲလေ ။ ကိုယ်တိုင် သွားတွေ့ရမှာပေါ့ ။

***

ဒီခရီး အနီးဝေးက အရေးမကြီး ။ ကားမောင်းသမားက ဦးဆောင်သည် ။ ခရီးသည်က ရောက်ချင်ဇောနှင့် မောနေသည် ။ အတွေးတွေ ကိုယ်စီနှင့် ။ ကားသံ ၊ သဘာဝအသံများ၊ ရှုမျှော်ခင်းများ နှင့်အတူ ခရီးတစ်ခု သွားနေသည် ။ လေက ကားမှန်ပြတင်းကို ဖြတ်ပြီး ကားအတွင်း နေရာလု တိုက်ခတ်နေသည် ။

***