ရာသီအကူးအပြောင်း၊ အပူချိန်မညီမျှမှု၊ ခံနိုင်ရည် အားနည်းမှု စသည့် အကြောင်းရင်းများစွာနှင့်အတူ ဖျားချင်နာချင် ဖြစ်လာတော့သည်။ အသွေးအသားဖြင့် ဖွဲ့စည်းအပ်သော ကိုယ်ခန္ဓာတို့က ထမ်းဆောင်မှုအချို့ ပျက်ကွက်လာကြသည်။ ပျက်ဦးမှကိုး။ အစကတည်းက ပျက်လာတာပဲ။ အစွဲတချို့ မလွတ်သေးသမျှ ဒီခန္ဓာကိုယ်ကို ညှာနေကြသည်။ ယခုလည်း စာမေးပွဲဖြေဆိုရန် နီးကပ်လာချိန် ဖြစ်သည်။ စာမေးပွဲ ဖြေဆိုရန် အချိန်ရောက်တိုင်း ဖျားချင်သလိုလို ဖြစ်တတ်သည်။ သို့သော် စာမေးပွဲ ဖြေရမည်ကို ပျော်သည်။ ကျောင်းသား၊သူတိုင်း စာမေးပွဲနီးလျှင် ကိုယ်လုပ်ချင်တာ လုပ်တတ်သော အကျင့်လေးများစွာကို လုပ်ကိုင်လေ့၊ လုပ်ကိုင်နေကြသော အကြောင်းရင်းလည်း ပါသည်။ ထို့ကြောင့် စာမေးပွဲနီးပြီဆိုလျှင် ဘာလုပ်ကြမည်နည်း။ ဘာလုပ်မယ်၊ဘယ်လိုနေမယ်၊ ဘယ်လိုကြိုးစားမယ်။ ဘယ်လိုစားသောက်ကြမယ်။ အတွေးစုံတဲ့ စာမေးပွဲအချိန်ကို မျှော်လင့်တောင့်တ မိခြင်းက ထူးတာလား၊ ဆန်းတာလားမသိ။ တမူထူးခြားတာက မွေးသမိခင်၊ ဖခင်တို့အား အထူးတလှယ် သတိရခြင်း ဖြစ်သည်။ ဝေးနေလို့လားမသိ။ ဘာတဲ့ မာသားဒေး။ လိုရာ တွေးရင် ဒါကြောင့် သတိရတယ်ပေါ့။ မွေးပေးလိုက်ကတည်းက သတ္တ၀ါတစ်ခု ကံတစ်ခုပဲ။ မွေးပေးခဲ့ကြတာကိုပဲ ကျေးဇူးတင်ကြည့်ပါဦး။ ဟင့်အင်း ရှာမတွေ့ဘူး။ မဆုံးတော့ဘူး။ ဒီမှာပဲ ရပ်။
စာမေးပွဲအတွက် ပြင်ဆင်ခြင်းကလည်း အောင်ချင်စိတ်နှင့် တွဲထားမှ အောင်မြင်မယ်။ ဖြစ်ချင်ရာဖြစ် ဆိုရင်တော့ ဘယ်ကလာ ကောင်းနိုင်ပါတော့မလဲ။ စာပဲလုပ်ကြမလား။ ကြေးစည်တောင် ပြေးထုလိုက် ချင်သေးတယ်။ မထင်။ ဒါမှဒါပဲ စာမှစာပဲ။ ကြိုးစားကြည့်တယ်။ မရဘူး။ နှိုင်းယှဉ်သိမှု တစ်ခုဖြစ်ဖြစ်။ ပြောင်းလဲအသုံးချခြင်း တစ်မျိုးဖြစ်ဖြစ်။ စမ်းလုပ်ကြည့်လိုက်တယ်။ ဒါလေးက ငြိမ်နေတာတွေ့တယ်။
အာရုံတွေမများကြပါနဲ့။ ဒီစကားကို ကြားဖူးသား။ အင်း အာရုံစုစည်းဖို့ကို ဘယ်ကစရမလဲ။ စတွေ့တာ အရင်ဆွဲယူထား၊ စိတ်ပါဝင်စားစွာ လုပ်ဆောင်နေပါတယ်။ စိတ်ထဲ ရောက်အောင်ထည့် ၊ စာဖတ်ကြည့် ။ ဟော စိတ်ဝင်စားလာပြီ။ နောက်တစ်စ ထပ်ဆွဲ။ ဆွဲပြီးရင်း ဆွဲချင်နေတော့တယ်။ အစလေးတစ်ခုကို ဆွဲယူမိဖို့ အရေးကြီးဆုံးပဲ။ အိမ်ထဲမှာ ဆွဲယူနေပြီ ခင်ဗျာ။
No comments:
Post a Comment