မိုး
မိုးတဲ့ ။ သူ့နာမည်က မောင်မိုး ။ ကလေးတစ်ယောက် ။ သူမနာမည်က မေမိုး ။ ကလေးတစ်ယောက် ။
---
မိုး ငယ်ငယ်က မိုးရွာရင် မိုးရေချိုးချင်တယ် ။ မိုးရေမချိုးရရင် မိုးအိပ်မပျော်ဘူး။ မိုး အဖေကမိုးကို မိုးမရွာလည်း ရေချိုးရမှာမို့ မိုးရေချိုးချင် အိမ်မှာပဲချိုး အပြင်မထွက်ရဘူးလို့ တခါမှ မပြောပါဘူး။ အမေကလည်း ချိုးပါစေ မိုးပဲ မိုးရေချိုးချင်မှာပေါ့ တဲ့ ။ ဘယ်မိုးဖြစ်ဖြစ် မိုးက ရေချိုးဖြစ်အောင် ချိုးတယ် ။ ငယ်တာလည်း ပါမှာပေါ့ ။ အိမ်မှာနေရလို့ လည်း ဖြစ်မှာပေါ့ ။ မိုးရွာရင်လေ မိုးရေချိုးတယ်။
---
မိုး ကျောင်းတက်တော့ လွယ်အိတ်ပါတယ် ။ ကျောပိုးအိတ် မလွယ်ဘူး ။ ကလေးဘ၀ ဆော့ကစားတုန်း မိုးရွာရင် အိမ်ပြန်ခဲ့ကြတယ် ။ မိုးတွင်းဆို ကစားပွဲတွေ ပျက်ခဲ့တာမနည်းဘူး ။ မိုးကြောင့်လို့ တခါမှ မတွေးဖြစ်ဘူး ။ မိုးရွာရင် အိမ်ပြန်ရမယ် လို့ သိတယ်။ နွေပိုင်း ပူရင် မိုးရာသီမှ မဟုတ်ဘဲ လို့ တွေးပါတယ် ။ မိုးကုန် ဆောင်းကူး အေးတော့လည်း မိုးကျတဲ့ ဆောင်းညတွေ က ပိုချမ်းစိမ့်စိမ့် ဖြစ်ရတယ်။ ရာသီဉတု ပြောင်းလဲခြင်း လို့ နားလည်တယ်။ ဘာကြောင့် ရာသီဉတုပြောင်း သလဲ မသိဘူး။ ငယ်တာလည်း ပါမှာပေါ့ ။ မသိလို့လည်း နေမှာပေါ့ ။ မိုးရာသီ ပါတာတော့ မှတ်ထားတယ် ။
---
မိုး ကျောင်းတော်ကြီးတက်ချိန်မှာ ကျောင်းသွားတယ် ။ စာကျက်တယ် ။ ကစားတယ် ။ နည်းမျိုးစုံပေါ့ ။ ကလေးတွေ ကစားတဲ့ ကစားနည်း အကုန်လုံး ကစားတယ် ။ မိုး ချစ်တဲ့ မိုးနာမည်ပါသော မိုးတွေ အများကြီး မိုးတွေ့ခဲ့တယ်။ ဇော်မိုး ၊ ခင်မိုး စတာတွေပေါ့ ။ မိုး ကျောင်းသွား ၊ ကျောင်းပြန် ၊ မိဘကူ ၊ ကစား ၊ ရေချိုး ညစာစား ၊ စာကြည့် ၊ သွားတိုက် အိပ်ယာ ၀င် ။ မျက်နှာသစ် ၊ အိပ်ယာ သိမ်း ကျောင်းသွားဖို့ ပြင်ဆင်သည်။ ။
---
မိုး ချစ်သော မိုးရာသီတစ်နေ့ ၊ မိုး ကျလာသော နေ့တစ်နေ့ ။ မိုးဖွဲဖွဲတွေ ကျနေသည် ။ မိုး ရွာထဲမှာ ရပ်တန့်နေသော အချိန်တစ်ချို့ ရှိလာခဲ့သည်။ မှတ်သားမှု အသိဥာဏ်ရင့်သန်လာခဲ့သည်။ မိုးညိုတွေ တွေ့လာခဲ့သည်။ မိုးမည်းတွေ ဆင်လာသည်။ မိုးတိမ်တွေ ရွေ့လျားလာသည်။ မိုးသည်းသည်းတွေ ပြင်းထန်လာသည် ။ မိုး ငယ်စဉ်က မိုးဘ၀ကို မိုးမေ့လာခဲ့သည် ။ ရှက်ရွံ့သော စိတ်တွေ နှင့် မိုး ရာသီတွေ ဖြတ်သန်းလာခဲ့သည် ။
---
ဒါက မောင်မိုး ။ ကျွန်တော် မိုးရာသီမှာ မွေးသူတစ်ယောက် ။ ဒါဆို မေမိုး ။ ကျွန်မ မိုးရာသီမှာ မွေးသူ တစ်ယောက် ။ မိုးရာသီမွေးဖွားခဲ့ကြပုံခြင်း တိုက်ဆိုင်သည် ။ ဒီလို မိုးတွေနှင့်မွေးတဲ့ မိုးနှစ်ယောက် မိုးရွာရင်လေ …
No comments:
Post a Comment