ရန်ဖြစ်ကြမည်ဆိုလျှင်
ကိုယ်အမူအရာ ၊ နှုတ်အပြောအဆို ၊ စိတ်ခံစား ဖြစ်ပျက်မှု ( ၃ ) ပါး သော အမှု ပြုလုပ်ရမည် ။
မျက်စိ အကြည့် တစ်ချက်ဖြင့် ရန်လိုသည်ဟု သိစေနိုင်ခြင်း ။ မျက်ဆံ ၊ မျက်တောင် လှုပ်ရှားမှု မြန်ဆန်စေခြင်း ။ ခေါင်း ၊ ခါး ၊ လက်ခြေ လှုပ်ရှား ပြသခြင်း ။ စကားပြောဆိုမှု အနှေးအမြန် ပြောင်းလဲခြင်း ။ နားလည်နိုင်သော ၊ နားဝင်ချိုသော စကားပြောဆိုမှု မှ နားမခံသာသော ၊ ရိုင်းစိုင်းမောက်မာသည်ဟု သတ်မှတ်ထားသော စကားများ ပြောဆိုခြင်း။ စိတ်ကြည်နူးမှု မှ စိတ်ဆိုး၊ စိတ်ကြည်သာမှု မပေးနိုင်သော ခံစားမှုများ ပြောင်းလဲလာခြင်း ။ စိတ်ခံစားမှု အလျောက် ကိုယ် ၊ နှုတ် အမူအပြော တပြိုင်တည်း ပြုလုပ်ခြင်း ။ ဒေါသမာန်မာနကို အထွပ်အထိပ် သို့ ပို့ထားရမည် ။ လောဘ ၊ အတ္တကို အကြီးမားဆုံး ခံစားရမည် ။ ယဉ်ကျေးသော ပြောဆိုမှုများကို ကြားဖူးခြင်း မရှိသကဲ့သို့ ပြောဆို ကြမည်။ ကိုယ်တိုင် ဖန်တီးထားသကဲ့သို့ ညံ့ဖျင်းသော စကားများကို ပြောဆိုကြမည် ။ အကြည့် နောက် လက်ရောက် ။ ကိုယ်ပါ ခေါင်းလွှတ် စိတ်၊စကား၊ပြုမှုပြောဆိုမှု တချိန်တည်း ကျရောက်အောင် ပြုလုပ်ကြရမည် ။ မောဟ ၊ တွေဝေခြင်း မရှိစေရန် သတိပြုရမည် ။
မှတ်ချက် ။ ကာယကံ ၊ ၀စီကံ ၊ မနောကံ ကံ(၃)ပါး အား အခြေခံထားပါသည် ။ ကံ ကံ၏အကျိုး ။
အကျိုးကြောင့် အကြောင်း ဖြစ်သည် ။ ကောင်းဆိုး ပိုင်းခြား သတ်မှတ်မှုသည် အကျိုး နှင့် အကြောင်း ကို ခွဲခြားသည် ဟု ထင်မြင်မိပါသည် ။
No comments:
Post a Comment