ပုံပြင်
ဟိုရှေးတုန်းအခါသမယ ခေတ်လေးတစ်ခေတ် ရှိခဲ့သတဲ့ ။ ပုံပြင် ခေတ်လေး ဖြစ်ပျက်ခဲ့သတဲ့ ။ ပုံပြင်တချို့ဟာ မမှားသလို ၊ မမှန်ကြဘူး ။ ဒီပုံပြင်ထဲက ခေတ်လေးဟာလည်း မှန်းဆပြောရတဲ့ ခေတ်လေးပေါ့ ။ ဒီခေတ်လေးက အဆိုး ၊ အကောင်းတွေ ဘောင်ခတ် ထားတယ် ။ အရင်ဖြစ်ခဲ့ ပျက်ခဲ့သော အကြောင်းအရာတွေကို လက်လွှတ်မှု မရှိသလို နောက်အနာဂတ်ကြီးကိုလည်း အမြဲပိုင်ဆိုင်နေခဲ့တယ် ။ ပုံပြင်တွေမှာ ခေတ်တွေ အများကြီး ဖြတ်သန်းခဲ့တယ် ။ ခေတ်ကြီးတွေ ခေတ်လတ်တွေ ခေတ်ငယ်ရွယ်ပိစိလေးတွေ ။ ကလေးတွေ မွေးဖွားလာခဲ့ကြတယ် ။ လူကြီးတွေ သေဆုံးခဲ့ကြတယ် ။ လူငယ်လူရွယ်တွေ ကြိုးစားခဲ့ကြတယ် ။ ခေတ်လေးမှာ ကလေးတွေပါ လူရွယ်များအားထုတ်သလို လူကြီးလည်း အားမတန်မာန်လျှော့ခဲ့တယ် ။ ခေတ်လေးမှာ စားနပ်ရိက္ခာထွက်ရှိသော ကျယ်ဝန်းတဲ့ နေရာများစွာ ရှိခဲ့တယ် ။ လူရွယ်တွေ အားထုတ်မှုကြောင့် နေရာများစွာမှာ ခမ်းနားကြီးကျယ်မှုတွေ ပေါ်ပေါက်ခဲ့တယ် ။ မီးဇာကုန် ဆီခမ်း ရွယ်သလိုနေ လူကြီးတွေလည်း ပါဝင်ပတ်သက်ခဲ့ကြတယ် ။ သွားလာဆက်သွယ်ပြောကြား စကားတွေ တောင်လိုပုံ ၊ မှတ်ကျောက်တင်တဲ့ စာပေ ၊ ဂီတ အစစလည်း ထွန်းကားခဲ့သတဲ့ ။ ဤ၊ထို၊ယင်း၊၎င်း အကြောင်းကြောင်းသော သမိုင်းတွေ လည်း ရှိခဲ့သတဲ့ ။ တုယူမှတ်သား နောင်သားတွေအတွက် မပျက်သုန်းတဲ့ အမှန် ၊ မှား ခြားသော တံတိုင်းတွေလည်း ခြံရံထားခဲ့သတဲ့ ။ လူသားနှင့်အတူ တွဲလျှက်ကူပြီး တိရိစ္ဆာန်တွေလည်း နေထိုင်ခဲ့ကြသတဲ့ ။ အရိုင်းရော အယဉ်ရော အရောရော အနှောနှောပေါ့ ။ သားကောင်ဖမ်းသော မုဆိုး ရှိသလို ၊ မုဆိုးဆွဲတဲ့ သားကောင်တွေလည်း ရှိခဲ့တယ် ။ ကြီးကျယ်ခမ်းနားသော ခေတ်လေးမှာ အေးချမ်းစေသော အနားယူနည်းမြောက်မြားစွာ ထွန်းကားခဲ့သတဲ့ ။ လူအချို့က သိရှိခဲ့ကြတယ် ။ သိတဲ့လူတွေ အနားယူခဲ့ကြတယ် ။ *အနားယူခြင်း ဆိုတာ အဆုံးသတ်ခြင်း တစ်မျိုးလားကွယ်* ။ ပုံပြင်ထဲက ခေတ်လေးလည်း အချိန်ဆိုသော အနားယူခြင်း နည်းကို သိရှိခဲ့တယ်။ အဆုံးသတ်မှာ ခေတ်လေး ပျက်ပြုန်းသွားခဲ့တယ် ။
No comments:
Post a Comment